Misyon pa’w se leve Bib Kreyol la an lè ak de men’w,  ede nou+ fè travay simaye levanjil Kris la. Pale tout moun ou konnen de sit wèb la, ba yo adrès la, sèvi ak tout rezo sosyal yo, voye adrès sit wèb la bay anpil moun epi di chak moun sa yo pou yo voyel bay anpil lòt moun. Veye pwodiksyon Pod Cast nou yo. Nan kòmansman mwad Janvye-a nap gen pou nou pwodui plis ke 50 Pod Cast chak mwa, ede nou pwomote yo, pataje yo ak tout moun ki nan antouraj nou. Tande anons nou yo pou ka gen plis detay.  Yon’n nan misyon ki pi enpòtan ou ka fè pou Ministè’a ak ekip la, se “LAPRIYE”, wi la priyè vo plis pase lajan, la priyè se kle ki louvri tout pòt. Priye pou BKM kont pesekisyon, Priye pou BCM ka grandi vi’n yon’n nan pi gwo Ministè ki gen sou la tè kap ede moun nan tout peyi. Priye pou mwen chak fwa w’ap priye, priye pou mwen pou Seyè’a fè’m viv yon bon sante fizik, mental, moral, espirityèl ak ekonomik. Priye pou Seyè a kontinye kenbe’m ak tout fanmi,m, zanmi ak kolaborate BCM yo an sante, pwoteje’nou beni nou, ban nou la vi long pou nou ka ekzekite projè-a.  Pandan map ekri papye sa-a mwen chita nan biro’m adwat mwen, mwen wè yon bèl tablo ki gen yon bèl pawol ki ekri ladan’l ki di “Pitit BonDye pa janm pèdi batay”. An fas mwen gen yon ankadreman ki gen yon bèl vesè biblik ki ekri ladan’l“ Lik 18 : 27 “Jezi reponn yo: Sa lèzòm pa ka fè, Bondye ka fè li” Priye pou  mwen map priye pou ou. Mèsi pou tout sa’w fè pou nou. Mèsi anpil. La pè BonDye avè’w.
Brother Willy, Alatèt BCM